Huī-kuan ê bāng-tsām

一、教育部臺灣閩南語漢字輸入法2.0版

       1. 去這个網址http://140.111.56.95/hanji/MOE_TBHS_2.0.exe kā軟體掠落來

       2. 這个輸入法需要ExtB字集來配合，若是家己的電腦無這个字集个設定，這个程式會引導你掠落來並且安裝。

       3. 主程式个檔案誠細，但是字集个檔案較大，所以安裝了後需要重新開機。

二、Uí教育部公佈的700辭，選10字來比較「教育部閩南語漢字輸入法」佮「信望愛台客語輸入法」（簡稱「信望愛」）

      比如講：海海、海湧、遐、遐爾、形影、薰、胭脂、厭氣、陰鴆、猶原

「教育部閩南語漢字輸入法」个優點：

       1. 拍一字了後，會出現其他个聯想詞，但是「信望愛」無這種功能。

　   2. 定定用的詞毋免輸入聲調、直接輸入聲韻母+「空白鍵」。這點kah「信望愛」仝款。

       3. 若是拼音錯誤，就會發出警示聲音，拼音的色彩嘛會變成紅色；但是「信望愛」無這種功能。

       4. 第四聲个字拍了聲韻母，毋管tshit8「空白鍵」仰是「數字4」攏會出現選單；但是用「信望愛」拍字時，若欲有較濟个選擇，煞kan-tann會使tshit8「空白鍵」。

       5. Kah「信望愛」比起來，「教育部閩南語漢字輸入法」候選字選單个界面─較簡單閣好看。

「教育部閩南語漢字輸入法」个缺點：

        1. 雖然候選字个選單，佇尚尾提供羅馬字，嘛會使tshit8↑鍵直接跳選羅馬字；但是無比「信望愛」直接tshit8「Shift」+欲選的詞，就變作台羅較方便。

      2. 直接拍聲韻母不會出現連字號，閣愛家己另外加，真費氣；但是「信望愛」就將連字號幫你加好，只要選擇台羅就好。